MATOKEO YA AWALI JIMBONI KALENGA

Matokeo karibu yote yamekwisha kamilika nasi tunamsubiri msimamizi wa uchaguzi Jimbo la Kalenga Bi Pudensiana Kisaka kumtangaza mshindi ambaye bila shaka atakuwa ni Godfery Mgimwa wa CCM ambaye katika vituo 216 vya uchaguzi vilivyopigwa leo ameshinda kwa kiwango kikubwa dhibi ya mshindani wake mkubwa Bi Grace Tendega Mvanda wa Chadema na Richard Minja wa Chausta!Mgimwa ameshawasha taa ya kutangazwa mshindi,amemuacha mbali sana Tengega!.....

Matukio ya kukupasha mwanajamvi

1.Wapiga kura wamekuwa wachache sana,waliojitokeza ni chini ya asilimia 50,sijui kwa nini watu hawajitokezi kupiga kura!

2.Waliojitokeza kupiga kura ni akina mama wenye umri kuanzia miaka 45,ambao katika vituo nilivyopita nikiwa na nimeambatana na waangalizi wa ndani idadi ya vijana wa miaka 30 kurudi chini ilikuwa chini ya asilimia 30.yaonekana wazee ndiyo wenye mwamko na siasa hapa Kalenga.

3.Baadhi ya vituo vya kupigia kura kuwekwa kwenye nyumba za watu,hili nikiwa na waangalizi wa ndani tumelishuhudia katika kijiji cha kidamala ambacho kituo kilikuwa sebuleni kwa Mzee Kinyondo ambapo hapo kuna Bar pia,kwenye kata ya Luhoto kituo kilikuwa kwenye Grocery ya Upendo,Kitongoji cha isakaleli,kituo kilikuwa nyumbani kwa mtu,kata ya Nzihi,kituo kipo jengo moja na ofisi za CCM,kituo cha Malulumo kituo tumekikuta nyumbani kwa bwana shamba,haya ni baadhi ya changamoto.

4.Wasimamizi walishindwa kuondoa mabango na bendera za wagombe na vyama vya CCM na CHADEMA na kuacha watu wakapige kura huku nembo za vyama zikiwa jirani na vituo.

5.Chama cha Chausta Pamoja na kutofanya mkutano hata mmoja,kimeweza kuweka mawakala vituo vyote lakini mawakala hawa walikuwa hata hawamjui mgombea wao na hata hawajawahi kumuona.

Nitawaletea uchambuzi wa uchaguzi huu kabla sijaondoka kuelekea Chalinze,kwa sasa nipo ofisi za mkurugenzi nasubiri matokeo ya mwisho,ila kumbuka mwanajamvi,mgombea wa CCM anaelekea kushinda kwa kiwango kikubwa sana

Dotto Bulendu