KICHANGA CHATUPWA HUKO MBEYA..

 

TAARIFA YA JESHI LA POLISI MKOA WA MBEYA KWA VYOMBO VYA HABARI 

“PRESS RELEASE” TAREHE 11. 09. 2013.

WILAYA YA  RUNGWE  - KUTUPA MTOTO MCHANGA.

MNAMO TAREHE 10.09.2013 MAJIRA YA  SAA 14:00HRS HUKO KATIKA MTAA WA BAGAMOYO – TUKUYU MJINI WILAYA YA  RUNGWE   MKOA WA  MBEYA. ILIOKOTWA MAITI YA  MTOTO MCHANGA MWENYE UMRI WA SIKU MOJA JINSI YA  KIKE IKIWA IMETELEKEZWA NA MAMA MZAZI  WA MTOTO HUYO AMBAYE BADO HAJAFAHAMIKA. MWILI WA MAREHEMU AMBAO UMEHIFADHIWA KATIKA HOSPITALI YA  SERIKALI YA  MAKANDANA – TUKUYU ULIKUTWA NYUMA YA  KISIMA CHA MAFUTA CHA CALTEX UKIWA UMEVINGIRISHWA KWA KUTUMIA KIPANDE CHA KITENGE KISHA KUWEKWA NDANI YA  MFUKO WA RAMBO NA JUU YAKE KUWEKWA JIWE. KAMANDA WA POLISI MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA WITO  KWA YEYOTE MWENYE TAARIFA JUU YA  MAHALI ALIPO MTUHUMIWA ALIYEFANYA KITENDO HIKI CHA KIKATILI NA CHA KINYAMA AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE,VINGINEVYO AJISALIMISHE MWENYEWE MARA MOJA.

                                                                 Imesainiwa na

 [ DIWANI ATHUMANI  - ACP ]

KAMANDA WA POLISI MKOA WA MBEYA.