ZIMBAMBWE YAKABILIWA NA NJAA KALI

Shirika la Mpango wa Chakula Duniani WFP limetangaza kuwa Zimbabwe licha ya kukabiliwa na upungufu mkubwa wa bajeti, inakabiliwa pia na upungufu mkubwa wa chakula na kutishia maisha ya mamia ya maelfu ya wananchi wa nchi hiyo.

Taarifa iliyotolewa na WFP imeeleza kuwa, shirika hilo la kimataifa linahitaji dola milioni 90 ili liweze kuendelea kutoa misaada ya chakula kwa taifa la Zimbabwe katika kipindi cha miezi sita ijayo. 

Imeeleza kuwa, shirika hilo linahitajia dola milioni 180 ili liweze kutoa misaada yake kikamilifu kwa nchi za Kusini mwa Afrika kama vile  Zimbabwe, Msumbiji, Madagascar na Jamuri ya Kidemokrasia ya Kongo. 

Naye  Mkuu wa Kitengo cha Mawasiliano cha WFP mjini Johannesburg nchini Afrika KusiniDavid Orr, amesema kuwa nchi za ukanda wa Pwani ikiwemo Madagascar zitakabiliwa na baa kubwa la njaa kabla ya kuanza msimu wa mavuno. 

Amesema kuwa, WFP ilishindwa kutoa misaada kwa wakimbizi wa Kivu Kaskazini nchini Kongo kutokana na matatizo ya kifedha yanayoikabili taasisi hiyo ya kimataifa.