UGONJWA WA AJABU WASHAMBULIA MIGOMBA HUKO KASULU KIGOMA

UGONJWA USIOFAHAMIKA JINA, UMEIBUKA NA KUSHAMBULIA ZAO LA MIGOMBA KATIKA KIJIJI CHA SHUNGA KILICHOPO KATA YA BUHORO WILAYANI KASULU MKOANI KIGOMA

HAYO YAMEBAINISHWA NA TIMU YA BLOG HII ILIPOTEMBELEA KIJIJI HICHO NA KUKUTA ZAO LA MIGOMBA LIMENYAUKA NA NDIZI KUKAUKA HALI MBAYO IMEONEKANA KUWA TOFAUTI KWA ZAO HILO

BLOG HII IKIONGEA NA BAADHI YA WAKAZI WA KIJIJI HICHO WAMESEMA KUWA, UGONJWA HUU UMEIBUKA KATIKA KIPINDI CHA MWAKA HUU AMBAPO MIGOMBA YOTE IMESHAMBULIWA NA UGONJWA HUU HALI AMBAYO IMEPELEKEA KUKAUKA KWA ZAO HILI

WANAKIJIJI HAO WAMEBAINISHA KUWA, HAPO AWALI UGONJWA WENYE DALILI KAMA ZA UGONJWA HUU UNAOKAUSHA MIMEA, ULIANZA KWA KUSHAMBULIA NA KUKAUSHA MAZAO KAMA VILE MAHARAGE NA MAGIMBI NA NDIPO MWAKA HUU UGONJWA WENYE DALILI ZILEZILE UMEWEZA KUSHAMBUIA MIGOMBA NA NDIZI KWA UJUMLA

AKIONGEA KWA NIABA YA WANAKIJIJI WENZAKE BW. ABRAHAM MUHUNDA AMESEMA KUWA UGONJWA HUU NI CHANGAMOTO KUBWA  KWA WAKAZI WA KIJIJI CHA SHUNGA NA UNARUDISHA NYUMA MAENDELEO KWANI ZAO HILO HUTUMIWA KWA CHAKULA NA WAKATI MWINGINE KUUZWA NA KUJIPATIA FEDHA

MPAKA SASA JINA LA UGONJWA HUU BADO HALIJAFAHAMIKA NA JUHUDI ZA KUZUIA UGONJWA HUU BADO HAZIJAANZA